Charta qua Rodulfus dat monasterio Cluniacensi res suas in villa Aziaco.
Dominis fratribus ad Sancti Petri monasterium Cluniacum pertinentibus, in quo loco preest donnus Odilo abbas. Ego Rodulfus, pro amore Dei et pro remedio animę meę, ut liberet me Deus de pęnis inferni et de potestate diaboli, dono aliquid de rebus meis quę sitę sunt in pago Matisconense, in villa Aziaco. Do itaque partem meam de uno curtilo et de uno prato et de una condominia. Quod si ego aut ullus de heredibus meis, aut homo quilibet extiterit aliquando, qui donationem istam ullo modo infringere aut calumpniari pertemptet, nunquam ad hoc prevaleat, insuper uncias auri III jam dictis senioribus componat, et donatio ista firma in perpetuum stabilisque permaneat, cum stipulatione subnixa. S. Rodulfi, qui donationem istam fecit, firmarique rogavit. S. Garlandi, et Lanfredi, et Gisleberti, et Warulfi, et Martini. Ego Johannes scripsi, dictavi in mense aprili, secunda feria, anno XII regnante Rotberto rege.